Bakı 35° C Temperatur

73

5m/s

  • USD1.7000
  • EUR1.8933
  • RUB0.0268
  • NEFT$64.18
^
XƏBƏR LENTİ

Şimali Koreyanın uğursuz raket sınağı

29-04-2017, 15:09 Baxış: 364

Şimali Koreyanın uğursuz raket sınağı

Bölgədə gərginliyin artması fonunda Şimali Koreya növbəti raket sınağını həyata keçirib, ABŞ və Cənubi Koreya hərbiyyəsi bildirir.

Cənubi Koreya rəsmilərinə əsasən Şimali Koreya paytaxtına yaxın olan Pxönan-Namdo əyalətindəki poliqondan buraxılan raket göyə qalxandan bir qədər keçmiş partlayıb.

"Bu gün sübh tezdən Şimali Koreyanın Pxönan-Namdo əyalətindəki Pukçxan rayonunda müəyyən edilməyən obyektin buraxılması baş verib", - Cənubi Koreyanın Yonhap xəbər agentliy bildirir.

"Şimali Koreya bu gün - uğursuz da olsa - raket buraxmaqla Çin və onun möhtərəm prezidenti Xi Jinping-in istəyinə hörmətsizlik göstərib. Çox pis!", - ABŞ prezidenti öz Twitter hesabında yazıb.

Cümə günü Reuters agentliyinə müsahibəsində Donald Trump deyib ki, Çin rəhbərliyinin Şimali Koreyaya müsbət təsiri təqdirə layiqdir.

Şimali Koreyanın 16 apreldə keçirdiyi raket sınaqları da uğursuzluğa düçar olub.

Ötən həftə ABŞ donanması bölgədə manevrlərə başlayıb. Pxenyan təzyiqə böyun əyməyəcəyini bildirir.