Bakı 19° C Temperatur

71

4m/s

  • USD1.7000
  • EUR1,8369
  • RUB0,0231
  • NEFT$31.93
^
XƏBƏR LENTİ

Terminologiya Komissiyası: Mütəxəssislər ədəbi dilə xələl gətirə biləcək yad ünsürlərin qarşısının alınmasında çeviklik göstərə bilmirlər

7-11-2018, 07:01 Baxış: 221
Terminologiya Komissiyası: Mütəxəssislər ədəbi dilə xələl gətirə biləcək yad ünsürlərin qarşısının alınmasında çeviklik göstərə bilmirlər
"Son dövrlərdə müasir Azərbaycan ədəbi dilinin tükənməz imkanlarından lazımınca və düzgün istifadə edilməməsi narahatlıq doğurur.
Ədəbi dilimizin özünəməxsus inkişaf qanunauyğunluqlarına xələl gətirə biləcək yad ünsürlərin üzə çıxarılması və qarşısının alınması istiqamətində mütəxəssislər heç də həmişə çeviklik nümayiş etdirə bilmirlər. Nəticə etibarilə dövlət dilimizin tətbiqi sahəsində bir sıra problemlər özünü qabarıq şəkildə büruzə verir". Bunu Nazirlər Kabineti yanında Terminologiya Komissiyasının sədr müavini, professor Sayalı Sadiqova "Xalq qəzeti"ndə dərc olunan məqaləsində dilə gətirib. O bildirib ki, terminologiyada baş verən dəyişiklikləri diqqətlə izləmək və terminologiyanın inkişafını həmişə düzgün istiqamətləndirmək zəruridir: "Dil dünya sivilizasiyasının, ictimai həyatın əksi olan müxtəlif elm sahələrini birləşdirdiyi kimi, ayrı-ayrı dillərin fonetik, leksik, qrammatik xüsusiyyətlərini də özündə birləşdirir. Ona görə də belə alınma və beynəlmiləl termin axını dilə daxil olan alınmaların tənzimlənməsi, dilimizin tələblərinə uyğunlaşdırılması kimi aktual problemləri meydana çıxarır. Azərbaycan Respublikasının Nazirlər Kabineti yanında Terminologiya Komissiyası dilimizin qorunması, saflığının təmin olunması və inkişaf etdirilməsi istiqamətində qarşıda duran problemlərin həllində mühüm missiya daşıyır". Bundan əvvəl Milli Televiziya və Radio Şurasısədrinin müavini Qafar Cəbiyev insanları daha çox aparıcıların efirdə Azərbaycan dili normalarını kobud surətdə pozmasının narahat etdiyini bildirib.