Bakı 35° C Temperatur

73

5m/s

  • USD1.7000
  • EUR1.8933
  • RUB0.0268
  • NEFT$64.18
^
XƏBƏR LENTİ

Bakıda nazir müavinləri üçün təlim keçirilir

19-07-2019, 11:58 Baxış: 48
Bakıda nazir müavinləri üçün təlim keçirilir
Prezident Administrasiyası, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və "PAŞA Bank”ın təşkilatçılığı ilə müxtəlif dövlət qurumlarının, müəssisələrin rəhbər şəxsləri üçün "Dövlət Sektorunda Rəqəmsal Transformasiya və İnnovasiyalar” proqramı çərçivəsində təlim keçirilir.
Nazir müavinləri üçün nəzərdə tutulan təlim "Skolkovo” İnnovasiya Mərkəzinin və "St.Gallen Universiteti”nin professorlarının iştirakı ilə baş tutub. Təlimin ilk günündə iştirakçılara Azərbaycanda dövlət xidmətlərinin rəqəmsallaşması, innovasiyalar və risk alma, innovasiya sistemləri və ölçülmələri, təşkilat daxilində sahibkarlıq mövzularında fikir mübadiləsi aparılır. Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, "PAŞA Bank”ın Baş İcraçı direktoru və İdarə Heyətinin sədri Taleh Kazımov təlimin dövlət xidmətlərinin rəqəmsallaşması, eləcə də innovasiyaların idarə edilməsi istiqamətində əhəmiyyətini vurğulayıblar. Qeyd edək ki, təlim iki gün davam edəcək. Rusiyanın "Skolkovo” İnnovasiya Mərkəzinin və İsveçrənin "St.Gallen Universiteti”nin ekspertləri tərəfindən keçiriləcək təlimdə iştirak edən dövlət qurumlarının innovativ inkişaf məsələləri üzrə məsul əlaqələndirici şəxslərinin rəqəmsal bacarıqlarının inkişaf etdirilməsi, rəqəmsallaşma ilə bağlı son proseslər və mütərəqqi texnologiyalar sahəsində, eləcə də rəqəmsal transformasiya və innovasiyaların idarə edilməsi istiqamətində məlumatlılıq səviyyəsinin yüksəldilməsi nəzərdə tutulub. Proqramın ikinci günü isə milli rəqəmsal strategiya, milli rəqəmsal transformasiya proqramları, dövlət və ictimai-özəl əməkdaşlığın rolu, rəqəmsal transformasiyadakı növbəti addımlar mövzusunda təlimlər və müzakirələrlə davam edəcək.