Bakı 23° C Temperatur

83

5m/s

  • USD1.7000
  • EUR1.9216
  • RUB0.0265
  • NEFT$72.49
^
XƏBƏR LENTİ

Millət vəkili Zahid Orucun doğum günüdür

1-02-2019, 00:47 Baxış: 1 001
Millət vəkili Zahid Orucun doğum günüdür
Bu gün Milli Məclisin ən fəal millət vəkillərindən olan Zahid Orucun 47 yaşı tamam olur.
Yeni yaşına qədəm qoyan millət vəkili bizimlə ad günü təəssüratlarını bölüşüb. Zahid Oruc doğum gününün onun üçün adi günlərdən biri olduğunu qeyd edib: "Uca dağların bugünkü qarını paytaxta gətirmişik. Bu, doğum günüm üçün əlamətdardır və təbiətin bizə hədiyyəsidir. Ad günümü hər zamankı kimi sadə, doğmalarla bir yerdə qeyd edəcəyik. İndi də iş başındayam və zatən medianın başlanğıc günü də həmişə bu günlə üst-üst düşür”.
Zahid Məhərrəm oğlu Orucov 1972-ci il fevralın 1-də Gədəbəy rayonunun Əlismayıllı kəndində anadan olub. 1994-cü ildə Azərbaycan Texniki Universitetini bitirdikdən sonra Azərbaycan Milli Elmlər Akademiyasının Fotoelektronika İnstitutunun aspiranturasına daxil olub. Sonra Azərbaycan Milli Elmlər Akademiyası Fizika İnstitutunda elmi işçi kimi çalışıb. 1992-ci ildə Ana Vətən Partiyasının mətbuat xidmətinin rəhbəri, siyasi məsələlər üzrə müavini, 1999-2000-ci illərdə "Ana Vətən” qəzetinin baş redaktoru vəzifəsində çalışıb. 2000-ci ildə Milli Məclisə üzv seçilib. Hazırda Milli Məclisin Təhlükəsizlik və Müdafiə Komitəsinin üzvü, Azərbaycan-Özbəkistan parlamentlərarası əlaqələr üzrə işçi qrupunun rəhbəri, Azərbaycan-Almaniya Federativ Respublikası, Azərbaycan-Belçika parlamentlərarası əlaqələr üzrə işçi qruplarının üzvüdür.
12 il davamlı olaraq "Parlament Jurnalistlər Birliyi”nin və Azərbaycan Respublikası Milli Məclisinin ən aktiv 10 millət vəkilindən biri kimi bir çox media qurumlarının və ictimai təşkilatların mükafatlarına layiq görülüb.
Beynəlxalq Marşal Mərkəzində onlarla qeyri-hökumət təşkilatının, NATO-nun Sülh Naminə Tərəfdaşlıq Proqramı çərçivəsində həyata keçirilən layihələrin fəal tərəfdaşı kimi müxtəlif sertifikat və digər nominasiyaları alıb.
Dövri mətbuatda geopolitikaya, regional və beynəlxalq siyasətə dair, o cümlədən, Azərbaycanın dövlət və ictimai həyatı ilə bağlı ardıcıl məqalələrlə çıxış edir.
Rus, türk və ingilis dillərini bilir.
Ailəlidir, iki övladı var.
Qeyd edək ki,Zahid Oruc 2016,2017 və 2018-ci illərdə "İlin ən fəal deputatı" nominasiyasının qalibi olmuşdur.
2018-ci ilin aprel ayında keçirilən seçkidə Azərbaycan Respublikası prezidentliyinə namizəd olmuşdur.
Ona uğurlar arzulayaq!
Ad gününüz mübarək!