Bakı 19° C Temperatur

71

4m/s

  • USD1.7000
  • EUR1,8369
  • RUB0,0231
  • NEFT$31.93
^
XƏBƏR LENTİ

Zahid Oruc Artur Rəsizadəyə: “Növbəti baş nazir sizin kimi səmimi olsa....”

17-03-2017, 17:59 Baxış: 3 460

 Zahid Oruc Artur Rəsizadəyə: “Növbəti baş nazir sizin kimi səmimi olsa....”

"Hökumətimiz neft dövründə çox səxavətli idi. Amma indi nə qədər bəzi xəsislik edirsə, əvvəlki dövrlərdəki nöqsanları da demir”.

Bunu Milli Məclisin iclasında deputat Zahid Oruc deyib. O bildirib ki, binalar üzlənir, bu çox yaxşı haldır. 
"Amma bu binanın küçəyə, yola baxan hissəsi təmir olunur, üzlənir. Baxın, Azərbaycanda iki nazirliyin dəhşətli cinayətlərə imza atdığı bilindi. O zaman sual edirəm: Biz bunu niyə vaxtında demirdik? Bura parlamentdir, biz bunu deməli idik. Bəlkə də çəkinirdik ki, kiminsə xətrinə dəyər! Beynəlxalq Bank pulları taladı, biz isə bunu görmədik?”. 
Zahid Oruc bildirib ki, Azərbaycana un, şirniyyat məmulatlarnın böyük hissəsi xaircdən gətirilir.
"Amma biz elə edə bilərdik ki, ölkə bazarı özü-özünü təmin edə bilsin. Baxın, hansısa nazir işdən çıxarılır, onun yerinə kadr gələndən sonra isə məlum olur ki, həmin nazirlik qanun pozuntularına yol verib. Olmazmı ki, indidən hökumət hər şeyə nəzarət etsin?!” - Zahid Oruc tənqidi fikirlər səsləndirib. 
Zahid Oruc icra hakimiyyətlərini də ittiham edib: 
"Bəziləri var ki, binalarına baxanda elə bilirsən ki, hansısa nazirlikdir. Niyə onları publik hüquqi şəxsə çevirmirik? Əmlak Komitəsi, Standartlaşdırma Komitəsini publik hüquqi şəxs etməyə bizə nə mane olur?! 
Artur müəllim, mən və həmkarlarımızın hamısı sizdən dürüstlük görüb. Siz prezidentə, xalqa, dövlətə sadiqlik nümayiş etdirmisiniz. Bəs siz bu vəzifədən nə zaman gedəcəksiniz? Bunu prezident bilir. Amma növbəti baş nazir sizin xususiyyətlərinizi özündə birləşdirsə, sizin kimi səmimi olsa, yaxşı olacaq”.