Bakı 24° C Temperatur

63

5m/s

  • USD1.7000
  • EUR1.8746
  • RUB0.0259
  • NEFT$60.18
^
XƏBƏR LENTİ

Bu, düşmənə də, dosta da mesajdır - Video

28-09-2017, 21:35 Baxış: 210
Bu, düşmənə də, dosta da mesajdır - Video
Millət vəkili Qənirə Paşayeva Türkiyədə minlərlə insanın iştirak etdiyi tədbirdə türk dünyasına Qarabağ, Kərkük, Ahıska, Bayırbucak çağırışı edib.
Türkiyədə türk dünyası mədəniyyəti və ədəbiyyatı ilə bağlı keçirilən tədbirin bağlanış mərasimində çıxış edən Q. Paşayeva Azərbaycan və Türkiyə birliyinin dosta da, düşmənə da bir mesaj olduğunu söyləyib.
"Biz birlikdə Azərbaycan və Türkiyəyə qarşı terror hadisələri, cinayətlər, işğallar həyata keçirənlərə qarşı mübarizəmizi daha da gücləndirməliyik, gücləndiririk və inşallah onların ədalət qarşısında cavab vermələrinə də nail olacağıq. 100 il sonra yeni bir Çanaqqaladan keçirik və inşallah dədələrimiz kimi biz də zəfər qazanacağıq. Dədələrimiz birlik və bərabərlik içində bizə zəfərin yolunu göstərdi və yenə də birliyimizi, zəfər qazanacağıq.
Bu gün Türkiyədə türk dünyasının fərqli bölgələrindən dəyərli aydınlarımızla birlikdə bu cür tədbirlərimizin keçirilməsi çox önəmlidir, eyni zamanda dosta da düşmana da bir mesajdır”, - millət vəkili deyib.
Türk dünyasının müxtəlif bölgələrində türk kökənli insanların yaşadığı ağrılardan, əziyyət çəkdiyi problemlərdən danışan Q.Paşayeva türklərə qarşı ədalətsizliklərlə mübarizə aparmaq üçün türk dövlətlərinin gücünü birləşdirməsinin vacibliyini vurğulayıb: ”Bir türk xalqının, toplumunun problemi, bütün türk xalqlarının ortaq problemidir.
Ona görə də türk dünyasıyla bağlı məsələlərdə bir-birimizə hər zaman böyük dəstək olmalıyıq.
İnşallah yaxın zamanlarda belə tədbirləri birlik və bərabərlik içində Ermənistanın işğalından azad edəcəyimiz Dağlıq Qarabağımızda və digər gözəl bölgələrimizdə də qeyd edərik.
İnanırıq ki, o gün uzaqda deyil. Bütün türk, müsəlman coğrafiyasında yaşayan, acı və kədər içində olan qardaş-bacılarımıza dəstək olmalıyıq.
Sizi bu gün Suriyada Bayırbucakda, İraqda Təlafərdə, Kərkükdə, Krımda, Axısxada, Qarabağda əziyyət çəkən insanımız varsa, onlara hər zaman əlinizdən gələn köməyi əsirgəməməyə çağırıram.
Allah insanımıza hər zaman hər yerdə yardımçı olsun” Millət vəkili tədbirdə müəllifi olduğu "Böyük Azərbaycanım” və "Türkiyəm” şeirini də səsləndirib.