Bakı 30° C Temperatur

71

4m/s

  • USD1.7000
  • EUR1,9163
  • RUB0,0240
  • NEFT$42.89
^
XƏBƏR LENTİ

Qüdrət Həsənquliyev : "Əgər onlar bizdən ağıllıdırlarsa..."

31-05-2018, 13:12 Baxış: 427
Qüdrət Həsənquliyev : "Əgər onlar bizdən ağıllıdırlarsa..."
Milli Məclisin bu gün keçirilən plenar iclası deputatın sərt çıxışı ilə başlayıb.
İclasda çıxış edən deputat Qüdrət Həsənquliyev Ələt azad iqtisadi zonasının faəliyyətini tənzimləyən qaydaların Konstitusiyaya zidd olduğunu bildirib: "Ələt azad iqtisadi zonasının əsasnaməsində qeyd olunub ki, zonanın səlahiyyətli qurumu əmək fəaliyyəti ilə bağlı qaydaları müəyyənləşdirmək hüququna malikdir. Ancaq Konstitusiyaya əsasən əmək və digər sahələri əhatə edən məsələləri müəyyənləşdirmək səlahiyyəti Milli Məclisə məxsusdur. Burdan belə çıxır ki, Ələt azad iqtisadi zonasının səlahiyyətli qurumu Milli Məclisdən daha üstün mövqedədir. Bunun səbəbini Valeh Ələsgərovdan soruşanda o dedi ki, bizim Əmək Məcəlləmiz çox böyükdür, xaricilər onu oxuyası deyil. Mən də təklif etdim ki, məcəllədən çıxarışlar olsun və tərcümə edilsin. Yaxud da Ələt azad iqtisadi zonasının səlahiyyətli nümayəndələri burdakılardan ağıllıdırlarsa, təkliflərini göndərsinlər, biz də onlara baxaq, müzakirə edək və təsdiqləyək.