Bakı 10° C Temperatur

76

4m/s

  • USD1.7000
  • EUR1.8828
  • RUB0.0265
  • NEFT$62.51
^
XƏBƏR LENTİ

Müraciət edənlərin 50 faizdən çoxunun deputatlığa namizədliyi qeydə alınıb

14-01-2020, 16:20 Baxış: 15
Müraciət edənlərin 50 faizdən çoxunun deputatlığa namizədliyi qeydə alınıb
 
Fevralın 9-a təyin olunmuş Milli Məclisə növbədənkənar seçkilərdə iştirak üçün müraciət edənlərin 50 %-dən çoxunun deputatlığa namizədliyi qeydiyyata alınıb.
 
APA-nın Mərkəzi Seçki Komissiyasının (MSK) saytına istinadən verdiyi məlumata görə, 2020-ci ilin fevralın 9-a təyin olunmuş növbədənkənar parlament seçkilərində iştirak üçün 2431 nəfər müraciət edib.
 
Onlardan 1279-nun namizədliyi qeydə alınıb. Səkkiz seçki dairəsində namizədliyi irəli sürülən namizədlərin hamısı - 1 saylı Şərur-Sədərək seçki dairəsindən deputatlığa namizədliyi irəli sürülən 3 nəfər, 3 saylı Babək-Kəngərli-Naxçıvan seçki dairəsindən deputatlığa namizədliyi irəli sürülən 3 nəfər, 5 saylı Şahbuz-Babək seçki dairəsindən deputatlığa namizədliyi irəli sürülən 4 nəfər, 6 saylı Culfa-Babək seçki dairəsindən deputatlığa namizədliyi irəli sürülən 5 nəfər, 7 saylı Ordubad-Culfa seçki dairəsindən deputatlığa namizədliyi irəli sürülən 4 nəfər, 53 saylı Quba-Qusar seçki dairəsindən deputatlığa namizədliyi irəli sürülən 18 nəfər, 55 saylı Xaçmaz şəhər seçki dairəsindən deputatlığa namizədliyi irəli sürülən 9 nəfər, 105 saylı Tovuz seçki dairəsindən deputatlığa namizədliyi irəli sürülən 9 nəfər qeydə alınıb.
 
Ümumilikdə deputatlığa namizədlərin ən çox qeydə alındığı seçki dairəsi isə 87 saylı Ağsu-İsmayıllı seçki dairəsidir.
 
Bu seçki dairəsində 24 nəfərin deputatlığa namizədliyi qeydə alınıb.