Bakı 30° C Temperatur

71

4m/s

  • USD1.7000
  • EUR1,9163
  • RUB0,0240
  • NEFT$42.89
^
XƏBƏR LENTİ

Nazirlikdən deputatın həkim əmisi haqda açıqlama

30-06-2016, 14:48 Baxış: 452
Nazirlikdən deputatın həkim əmisi haqda açıqlama
Səhiyyə Nazirliyi 81 yaşlı cərrah Cəfər Quliyevin xəstə Lumu Veyisovanın ölümündə ittiham edilməsinə münasibət bildirib.
Tezis.az xəbər verir ki, Nazirliyin mətbuat xidmətinin əməkdaşı Səfayə Əhmədova Azvision.az-a açıqlamasında deyib ki, 1981-ci il təvəllüdlü Veyisova Lumu Fazil Qızı 26.06.2016-ci il tarixində Sumqayıt Şəhər Təcili Tibbi Yardım Xəstəxanasına daxil olub.
"Xəstədə irinli, daşqınlı, öd kisəsinin çürüməsi prosesi olub, xəstə çox gecikdirilib, vəziyyətinə görə dərhal əməliyyata alınıb. Cərrah Cəfər Quliyev xəstəni əməliyyata alıb və əməliyyat 4-5 saat çəkib. Əməliyyat çox çətin keçib. Xəstə xəstəxanaya gətirilən zaman öd kisəsi yolları tamam tutulmuş, qarın boşluğu isə dağılmış vəziyyətdə olub. 29.06.2016-ci il tarixində isə aparılan bütün yardımlara və cəhdlərə baxmayaraq, xəstə dünyasını dəyişib. Xəstənin yaxınları patoloji müayinədən kəskin şəkildə imtina ediblər".
S.Əhmədova xəstə yaxınları tərəfindən həkim səhlənkarlığı ilə bağlı deyilən iddialara aydınlıq gətirib. "Patoloji Anatomiya müayinəsindən keçəndən sonra bilmək olardı ki, xəstənin ölümündə həkim səhlənkarlığı olub, yoxsa yox. Xəstənin yaxınları isə patoloji müayinədən imtina ediblər".
Qeyd edək ki, "Şöhrət" ordenli 81 yaşlı həkim Cəfər Quliyev deputat Fərəc Quliyevin əmisidir.